സെല്യൂട്ട്
അമ്മാത്ത്ന്ന് വരുംപോ പട്ടാംപി തീവണ്ടി നിര്ത്തണ സ്ഥലത്തെ മാഷ് എനിയ്ക്കും കുഞ്ഞേട്ടനും സെല്യൂട്ട് തന്നു. അമ്മാത്തെ ഒരേട്ടന് പറഞ്ഞ് തന്നതാ തീവണ്ടിസ്റ്റേഷനിലെ മാഷെ സെല്യൂട്ട് ചെയ്താ അവര് നമ്മളേം സെല്യൂട്ട് ചെയ്യുന്ന്. മൊളങ്കുന്നത്ത് കാവ് ന്നൊരു സ്റ്റേഷന്ല്യേ? അവ്ട്ത്തെ മാഷക്ക് വല്യേ പവറാ. ഞാനും കുഞ്ഞേട്ടനും നാലഞ്ച് പ്രാവശ്യം സെല്യൂട്ട് ചെയ്തു. മാഷ് ഞങ്ങളെ നോക്കുംകൂടി ചെയ്തില്യ. എന്താണാവോ അവരെ മാഷ് ന്ന് പറേണത്. അവര് തീവണ്ട്യോളെ പഠിപ്പിയ്ക്ക്ണ് ണ്ടാവും.
കുഞ്ഞേട്ടന് പറയ്യാ കുഞ്ഞേട്ടനെ പോലീസ്കാരന് സെല്യൂട്ട് ചെയ്ത്ട്ടണ്ട് ന്ന്. ഗോപാലന് അച്ഛനോട് കൊളക്കണ്ടം തട്ടിപ്പറിയ്ക്കാന് നോക്കീല്യ. അപ്പൊ പോലീസ്കാരന് വന്നേര്ന്നു. അച്ഛനോടും ചെറ്യേട്ടനോടും ഒക്കെ എന്തോ ചോദിയ്ക്കാന്. പോലീസ്കാരന് പൂമോത്തെ പടീംപില് ഇരിയ്ക്കുംപോ കുഞ്ഞേട്ടന് ചെന്ന് സെല്യൂട്ട് ചെയ്തൂത്രേ. അപ്പൊ പോലീസ്കാരന് കുഞ്ഞേട്ടനേം സെല്യൂട്ട് ചെയ്തു. അന്ന് ഞാന് കുഞ്ഞ്യേ കുട്ട്യായിര്ന്നില്യേ? അല്ലെങ്കില് നിയ്ക്കും സെല്യൂട്ട് ചെയ്യാര്ന്നു. ഗോപാലന് ഇപ്പൊ എന്താണാവോ അച്ഛനോട് കൊളക്കണ്ടം തട്ടിപ്പറിയ്ക്കാന് വരാത്തത്?
ചെറ്യേട്ടനൊക്കെ എന്തു സുഖാ? എടയ്ക്ക് എടയ്ക്ക് പട്ടാംപി പോവ്വാം. പട്ടാംപി പോലീസ്റ്റേഷനില് പോയ്യാ കൊറേ പോലീസ്കാര്ണ്ടാവും അവരെ ഒക്കെ സെല്യൂട്ട് ചെയ്യാം. ഞാനും വല്തായ്യാ പട്ടാംപി പോയി പോലീസ്കാരെ ഒക്കെ സെല്യൂട്ട് ചെയ്യും
No comments:
Post a Comment